ដើមអំពៅ

អំពៅជាប្រភេទដំណាំមួយដែលប្រជាពលរដ្ឋយើងស្គាល់ស្ទើរគ្រប់គ្នា​ ទាំងអស់ហើយដំណាំនេះក៏បានដាំដុះលើផ្ទៃដីតូចៗ ស្ទើរពាស់ពេញព្រះរាជាណាចក្រកម្ពុជាយើងផងដែរ។

     ជាទូទៅប្រជាជនតែងតែនិយមយកអំពៅគៀបយកទឹកដើម្បីហូបដូចជាភេសជ្ជះឬក៏ហូបផ្ទាល់តែម្ដង។សារះសម្ខាន់នៃដំណាំអំពៅនៅក្នុងប្រទេសយើង ក៏ដូចជាក្នុងពិភពលោក គេបានកែរច្នៃយកទឹកអំពៅធ្វើជាស្ករសដែលយើងត្រូវការចាំបាច់ខានមិនបានជារៀងរាល់ថ្ងៃ។

ក្រៅពីសារះសំខាន់សម្រាប់ការធ្វើស្ករអំពៅនៅប្រទេសមួយចំនួនគេបានច្នៃទឹកអំពៅធ្វើជា​ អាកុល​ ស្រា និងធ្វើជាចំណីសត្វហើយម្យាងទៀត ហើយម្យាងទៀតកាកអំពៅគេយកទៅកែរច្នៃធ្វើជាក្រដាស ក្ដារបន្ទះ។ល។ចំពោះប្រទេសកម្ពុជានាពេលបច្ចុប្បន្ននេះ ដំណាំអំពៅគឺត្រូវបានគេច្នៃធ្វើជាស្ករនៅក្នុងសិប្បកម្មតូចៗប៉ុណ្នោះ ក្រៅពីនេះគឺប្រជាកសិករយើងនិយមហូបទេកអំពៅដូចជាភេសជ្ជះធម្មតាប៉ុណ្ណោះ។